Nauðsynlegur útbúnaður
Nauðsynlegur útbúnaður í langar ferðir
Oft er erfitt að velja sér föt sem henta vel í ferðalagið. Ósjaldan tekur fólk of mikið með sér og gleymir jafnvel ýmsu nauðsynlegu. Til þess að auðvelda fólki leikinn höfum við tekið saman lítinn lista yfir það helsta sem okkur dettur í hug. Auðvitað er hann ekki tæmandi og fólk hefur ólíkar þarfir.
- Góð gúmmístígvél (há) – reiðstígvél alls ekki nauðsynleg
- Reiðbuxur og hlýr jakki eða úlpa
- Ullarpeysa eða flíspeysa
- Nóg af sokkum og ullarhosum
- Hanskar, trefill, eyrnaband eða húfa
- Hlý nærföt – síðar nærbuxur mjög góðar
- Flugnanet til að setja yfir reiðhjálminn (fæst í veiðibúðum)
- Sundföt, handklæði, sápa og snyrtivörur
- Íþróttagalli (í fjallakofunum)
- Inniskór
- Lítill koddi (í fjallaferðum)
- Lítil myndavél – kíkir
- Plástrar og græðandi áburður
- Alltaf er gott að hafa með sér súkkulaði eða þrúgusykur
- Sólarolía – sólin er sterk inni á hálendinu og margir hafa brunnið illa í ferðunum.
Hjá Íshestum færðu regnföt, reiðhjálm, svefnpoka (þegar þarf) og hnakktösku.
