Smitvarnir
Vegna landfræðilegrar einangrunar, strangra reglna um innflutning og allmennrar vitundar almennings um sérstöðu íslenska hestsins hefur tekist að halda öllum alvarlegum smitsjúkdómum bæði frá hestinum og öðrum búfénaði í áratugi. Hestar eru ekki bólusettir á Íslandi og mjög viðkvæmir fyrir utanaðkomandi smitefnum.
Stranglega bannað er að koma með notuð reiðtygi og hestakerrur til Íslands.
Óheimilt er að flytja til landsins notaðan reiðfatnað sem ekki er unnt að þvo eða sótthreinsa á öruggan hátt, t.d. leðurhanska, stígvél, skó, jakka, vaxjakka, frakka og hjálma.
Sótthreinsun á öðrum reiðfatnaði
Notaðan reiðfatnað skal þvo í þvottavél eða þurrhreinsa fyrir komu til landsins, reiðstígvél og skó skal sótthreinsa. Fatnað sem hefur verið notaður í tengslum við önnur dýr skal meðhöndla á sama hátt. Sótthreinsiefni sem er viðurkennt af yfirdýralækni er Virkon S til sótthreinsunnar. Nánari upplýsingar má finna á www.mast.is
